ஆண்டாள் இன்றைய பாசுரத்தில், சாமான்ய தர்மத்தை விட்டு கிருஷ்ணனையே விசேஷ தர்மமாகப் பற்றிய ஒருவரின் தங்கையை, 'நற்செல்வன் தங்காய்' என்றழைக்கிறாள். 'பாகவதர்கள் வீடு தேடி வந்திருக்கிறோம், இனித்தான் எழுந்திராய்' என்று ஆண்டாள் அழைத்தபடி, நன்மை தேடி வரும்போதாவது எழுந்திருங்கள் என லௌகீக இன்பத்தில் மூழ்கி இருக்கும் அனைவரையும் தட்டி எழுப்பி திருமால் வெள்ளத்தில் மூழ்க வைக்க வல்லது ஸ்வாமிகளின் இன்றைய உபன்யாசம். இன்று கிருஷ்ணானுபவத்தோடு மனதிற்கினிய ராமானுபவமும் காத்திருக்கிறது.

ஆண்டாள் இன்றைய பாசுரத்தில், கண்ணனை உள்ளடக்கிய அழகிய கண்ணுடைய ஒரு பெண்ணை 'போதரிக் கண்ணினாய்' என்றழைத்து, கண்ணனைத் தங்களோடும் சேர்த்து வைக்க வேண்டுகிறாள். அனைத்து வகைப்பட்டவருக்கும் அவரவருக்கு உகந்த வழியைக்காட்டி, அனைவருக்கும் மனத்துக்கினியவராக இருப்பவர் காரேய் கருணை இராமானுஜர். ஆண்டாள் திருப்பாவையில், பிற்காலத்தில் தன் அண்ணனாக வரப்போகும் ஸ்வாமி ராமானுஜரைக் கொண்டாடும் அழகை, ஸ்வாமிகளின் மனத்துக்கினிய உபன்யாஸத்தில் இன்று அனுபவிப்போம்.

ஆண்டாள் இன்றைய பாசுரத்தில், பேச்சு வன்மையால் கண்ணனை ஈர்க்க வல்ல ஒரு பெண்ணை 'நாவுடையாய்' என்றழைத்து கண்ணனிடம் தங்களுக்காகவும் பேசி சேர்த்து வைக்க வேண்டுகிறாள். ஆச்சார்யர்களின் அருட்பார்வை மற்றும் உபதேசமே நம்மைக் கண்ணனின் பால் அழைத்துச் செல்லும் என்பதை ஆண்டாள் இரண்டு பெண்களைக் கொண்டு அழகாக எடுத்துரைக்கும் விதத்தை ஸ்வாமிகளின் இன்றைய உபன்யாஸத்தில் அனுபவிப்போம்.